Xa está aberta a inscrición para os cursos do Centro de Interpretación da Oralidade de Vigo (CIOV) durante o ano lectivo 2024/2025. Por unha parte, o Curso de Improvisación Oral en Verso, que se celebrará de decembro do 2024 a novembro do 2025; e, pola outra o Curso de Narración Oral, que se desenvolverá nas mesmas datas.
Data de inicio Curso Improvisación Oral en Verso: 4 decembro 2024
Data de inicio Curso Narración Oral: 10 decembro 2024

Do 31 de maio ao 3 de xuño celebrouse en Varadero, Matanzas, Cuba, o II Congreso Iberoamericano de la Décima y el Verso Improvisado. Nesta cita estivo presente a asociación O.R.A.L. de Galicia da man de Bieito Lobariñas e Lupe Blanco. Da ponencia que alí presentaron e da experiencia vivida falou Lobariñas en Radio Valladares.

https://go.ivoox.com/rf/131351706

O Revoltallo, o festival de música que se celebra en Valladares, chegou á súa edición número XXXI e nesta cita fixo un oco no seu programa para as regueifas. Na tardiña do venres Josinho e Lobariñas levaron a súas verbas e a súa música ao carón da cafetería do Centro Cultural de Valladares, animando á xente coa súa retranca e bo humor. Coma sempre houbo tempo para bromas, pero tamén para as reivindicacións sociais e culturais.

O festival Cante de poetas de Villanueva de Tapia é un referente a nivel mundial para o mundo da improvisación, e o paso da regueifa por el, foi “enriquecedor e proveitoso”, segundo Lupe Blanco, unha das representantes galegas. “Poder compartir tres días cos mellores improvisadores e improvisadoras do mundo faiche abrir os ollos a novas disciplinas que descoñecía, novas melodías, diferentes métricas e tamén moitas similitudes que temos todos á hora de traballar nos nosos
países”.

Na primeira semana de setembro as rúas da cidade de Vigo volcáronse co galego nunha actividade organizada pola Concellería de Normalización Lingüística en colaboración con Asociación ORAL de Galicia. Así dende o martes día 3 de setembro ata o sábado día 7 nas distintas ubicacións houbo espectáculo infantil, coa actuación de Paco Cerdeira, Pakolas, que achegou aos nenos a súa Ramona Órbita, o seu último traballo, e despois chegou o turno para os regueifeiros. Bieito e Alba, Lupe e Josinho, Luis e Bieito, Lobariñas e Josinho e Suso e Antonio encheron de retranca as rúas e prazas da cidade.