A asociación cultural Raigañas de Cerqueda (Malpica) convocou a súa XVI Foliada e a X Foliadiña para o vindeiro 27 de abril no local social As Pozacas. A asociación quixo dedicar esta edición ás mulleres e homes regueifeiros da parroquia de Cerqueda, onde Celestino de Leduzo era moi coñecido, ademais de varios improvisadores orais, como Carmela e Lola do Ghoriño, Florinda da Tera, Manuel dos Cotelos de Taraio ou Faustino Rodríguez.

A rapazada do IES Marco do Camballón de Vila de Cruces, IES Río Cabe de Monforte e IES Basanta Silva de Vilalba van regueifar a Euskal Herria, noutra edición máis do Regueibertso, convívio entre regueifeiras e bertsolaris adolescentes.

Durante este mes de abril, estanse desenvolvendo os Obradoiros de regueifa do Concello de Vigo, que terán o seu colofón definitivo co XIV Certame Escolar de regueifas do Concello de Vigo, que se celebrará o vindeiro venres 26 de abril no CVC Valadares. Nestes Obradoiros Didácticos, o alumnado coñecerá a historia deste canto improvisado, así como as ferramentas básicas para construír e cantar unha copla de regueifa.

A regueifa recunca na Reconquista, desta vez da man dos regueifeiros Bieito Lobariñas e Kike Estévez; que estarán acompañados polas regueifeiras do CIOV.

A Pobra do Brollón acolle o IV Encontro Interescolar de Improvisación este xoves 4

Unha mostra de brindo e regueifa co alumnado do colexio da Pobra ademais de centros educativos de Monforte, Vilalba, Vila de Cruces, Caldas de Reis e O Courel.

Será a partir das 18:30 na Casa da Cultura 'Olga Novo', e é aberto ao público.

Ademais da mostra, ao longo da xornada realizarase unha visita ao colexio e un roteiro polo Camiño de Inverno para xs participantes.

O mércores, 3 de abril, ás 11:00 horas, dará comezo no Teatro Principal de Santiago de Compostela a Gala Enreguéifate 2024. Trátase dun acto no que se entregarán os premios Enreguéifate, o certame de regueifas impulsado polos concellos de Ames, Carballo, Pontevedra, Santiago de Compostela e Teo e que pon o broche de ouro á súa sexta edición. Este ano presentáronse un total de 56 regueifas, e doce delas recollerán o seu galardón nesta gala.

A regueifeira Lupe Blanco amenizará cos seus cantares de cego a representación sobre o último rei de Galicia, que se celebará en lendo (A Laracha).

O Regueifa Tour chega a Moaña o 8-M.

As Regueifeiras da Semente chegan a Moaña na súa xira que comezou en
setembro en Vigo e continuou no Courel, Vilalba, Vila de Cruces, Viana
do Bolo e, en Euskal Herria, en Lekeitio, Derio e Donosti.

O obxectivo é levar a regueifa a locais onde se reunan adolescentes en
festas de poesía oral improvisada onde a regueifa sexa a protagonista,
fóra do horario escolar.

Este 8 de marzo, ás 17.30, o Regueifa Tour celebrarase em Moaña,
dentro das actividades feministas do Concello, na Casa da Mocidade.