Skip to Content

Certame Enreguéifate 2024 - Participantes

Enviado por admin o Sábado, 03/02/2024 - 11:01.

Dende o 12 de xaneiro ata o 1 de marzo de 2024 está aberto o prazo para participar na VII edición do certame de regueifas en vídeo Enreguéifate.

Para facelo, debedes enviar o voso vídeo regueifando a través do formulario de inscrición que aparece na web do proxecto Enreguéifate: https://enregueifate.gal/edicion-2024/

A participación é aberta e de balde, mais tede en conta que:

– Hai dúas categorías: unha xeral, para calquera persoa, e outra escolar, para alumnado dos centros educativos galegos non universitarios.

I Encontro Interxeracional Regueifeiro

Enviado por admin o Venres, 02/02/2024 - 01:00.
03/02/2024 11:00

A Asociación Oral ten o pracer de anunciar un acto histórico que terá lugar na emblemática Casa de Rosalía de Castro en Padrón. Máis de 40 improvisadoras/es de todas as idades e puntos da Galiza xuntaranse neste lugar cargado de historia para celebrar unha asemblea anual e o primeiro Encontro Interxeracional Regueifeiro.

I Encontro Interxeracional Regueifeiro

Enviado por admin o Xoves, 01/02/2024 - 11:21.

A Asociación Oral ten o pracer de anunciar un acto histórico que terá lugar na emblemática Casa de Rosalía de Castro en Padrón. Máis de 40 improvisadoras/es de todas as idades e puntos da Galiza xuntaranse neste lugar cargado de historia para celebrar unha asemblea anual e o primeiro Encontro Interxeracional Regueifeiro.
O vindeiro sábado 3 de febreiro, ás 11:00 horas o presidente da Fundación Rosalía de Castro, Anxo Angueira, daralle a benvida ás persoas participantes.

III Premios da Regueifa en Carballo

Enviado por admin o Lúns, 01/01/2024 - 01:00.
13/01/2024 18:00

Os III Premios Galegos da Regueifa Espalla Rimas 2024, convocados por iniciativa do grupo La Voz de Galicia en colaboración con varias entidades, cítannos o vindeiro 13 de xaneiro, ás 18 h, no Pazo da Cultura de Carballo.

Novamente, mestres e mestras da regueifa xuntaranse coas voces máis novas en desafíos, que son tamén unha festa de celebración da vitalidade da improvisación oral en galego.

Volven os cursos do CIOV (ano 2024)

Enviado por admin o Xoves, 14/12/2023 - 01:51.

Xa está aberta a inscrición para os cursos do Centro de Interpretación da Oralidade de Vigo (CIOV) durante o ano 2024. Por unha parte, o Curso de Improvisación Oral en Verso, que se celebrará de xaneiro a novembro; e, pola outra o Curso de Narración Oral.
Data de inicio Curso Improvisación Oral en Verso: 24 xaneiro 2024
Data de inicio Curso Narración Oral: 23 xaneiro 2024

Para se inscribir é necesario enviar un correo electrónico a actividades.snl@vigo.org (no “Asunto” debe poñer o nome do curso no que se anota, e indicará o seu nome completo e teléfono de contacto).

Volven os cursos do CIOV

Enviado por admin o Xoves, 14/12/2023 - 01:51.

Xa está aberta a inscrición para os cursos do Centro de Interpretación da Oralidade de Vigo (CIOV) durante o ano 2024. Por unha parte, o Curso de Improvisación Oral en Verso, que se celebrará os mércores de xaneiro a novembro; e, pola outra o Curso de Narración Oral, que se celebrará os xoves.
Data de inicio Curso Improvisación Oral en Verso: 10 xaneiro 2024
Data de inicio Curso Narración Oral: 11 xaneiro 2024

Presentación regueifeira en Compostela

Enviado por admin o Lúns, 04/12/2023 - 02:05.
09/12/2023 12:00

A regueifeira Lupe Blanco guiará cos seus versos improvisados a presentación do libro Galicia Latente. Será na praza de abastos, o día 9 de decemnbro ás 12.00h.

Obradoiro "De brindos e loias" na Fonsagrada

Enviado por admin o Venres, 01/12/2023 - 01:00.
07/12/2023 19:00

Neste encontro imos coñecer as peculiaridades dos cantos improvisados nas montañas orientais galegas, máis coñecidos por brindos ou loias.

O alumnado verase implicado na creación de coplas e na práctica de melodías pertencentes a esta variedade

Este obradoiro está orientado non só para persoas xa iniciadas noutras modalidades repentizadas galegas, coma a regueifa, senón para todo o alumnado xeral interesado nestes cantos da montaña luguesa.

Regueifa Tour en Vilalba

Enviado por admin o Martes, 14/11/2023 - 01:00.
17/11/2023 20:00

A festaza do Regueifa Tour celebrarase en Vilalba, coa participación, entre outres, da parella bergantiñá formada por Suso de Xornes e Lupe Blanco.

Regueifa en Bembrive

Enviado por admin o Venres, 03/11/2023 - 22:26.
12/11/2023 18:30

A regueifa estará presente na celebración anual do Grupo de baile do Centro Cultural Helios (Bembrive, Vigo), que se realizará no Auditorio do antedito centro o vindeiro domingo día 12. Nesta conmemoración, dirixirán o evento os regueifeiros Bieito Lobariñas e Kike Estévez.

Distribuir contenido