A regueifeira Lupe Blanco guiará cos seus versos improvisados a presentación do libro Galicia Latente. Será na praza de abastos, o día 9 de decemnbro ás 12.00h.

Neste encontro imos coñecer as peculiaridades dos cantos improvisados nas montañas orientais galegas, máis coñecidos por brindos ou loias.

O alumnado verase implicado na creación de coplas e na práctica de melodías pertencentes a esta variedade

Este obradoiro está orientado non só para persoas xa iniciadas noutras modalidades repentizadas galegas, coma a regueifa, senón para todo o alumnado xeral interesado nestes cantos da montaña luguesa.

A festaza do Regueifa Tour celebrarase en Vilalba, coa participación, entre outres, da parella bergantiñá formada por Suso de Xornes e Lupe Blanco.

A regueifa estará presente na celebración anual do Grupo de baile do Centro Cultural Helios (Bembrive, Vigo), que se realizará no Auditorio do antedito centro o vindeiro domingo día 12. Nesta conmemoración, dirixirán o evento os regueifeiros Bieito Lobariñas e Kike Estévez.

A regueifa estará presente na homenaxe a Dorothé Schubarth que se realizará no Auditorio da Xunqueira de Redondela o vindeiro sábado día 11. Nela actuarán representantes da Asociación ORAL de Galicia.

Xa están en marcha os obradoiros do Enreguéifate. No día de hoxe os docentes Lupe Blanco e Josinho da teixeira realizaron un obradoiro co alumnado de 6º de Primaria do CEIP A Igrexa-Calo de Teo.

Queres aprender a regueifar? O 3 de novembro temos obradoiro en Elviña con Lupe Blanco.

Este sábado 28 de outubro haberá regueifa en Vedra, co gallo do Pasabodeghas da Ulla, en San Miguel de Sarandón. Desta volta serán os regueifeiros Suso de Xornes e Luís O Caruncho os que amenicen a tarde coas súas rimas improvisadas a partir das 18.45.

Xa comezaron os obradoiros escolares para alumnado de secundaria impartidos pola Asociación ORAL de Galicia e financiados pola Deputación de Pontevedra; coma o realizado no día de hoxe polo docente Luís O Caruncho, que impartiu un dos primeiros nas Escolas Proval de Nigrán. Estes obradoiros realizaranse por máis de 40 centros educativos da provincia de Pontevedra durante os meses de outubro e novembro.