No Centro de Estudos Galegos, este mércores 20 ás 12.30 horas, na aula 210 do edificio D da facultade de filoloxía da Universidad Complutense de Madrid, Alba María vai dar un taller sobre regueifa e improvisación oral para o alumnado de galego e portugués.

O vindeiro xoves 21 de marzo ás 20 h. no multiusos da Xunqueira contaremos coa actuación dos regueifeiros Josinho da Teixeira e Kike Estévez, no acto de presentación da candidatura do BNG á alcaldía de Redondela.

O patronato da Fundación Eduardo Pondal de Ponteceso acordou por unanimidade designar como Literatas a Lupe Blanco, regueifeira, e a Natalia Lema, escritora nova. É un recoñecemento ao seu bo facer, ao seu propio e en xeral ao das mulleres. Un galardón que será entregado o día 17 de mayo, Día das Letras Galegas, pola tarde.

@s regueifeir@s Lupe Blanco e Suso de Xornes amenizaron a velada no programa Luar da TVG.

A regueifeira Lupe Blanco impartirá un obradoiro de regueifas na casa do concello de Carnota.

O vindeiro mércores 20 de marzo, coincidindo co Día Mundial da Narración Oral, celebrarase no Auditorio do CVC Valadares (Vigo) a 1ª Exhibición Final Provincial de Regueifas Escolares, organizada pola Asociación ORAL de Galiza e promovida polo Servizo Provincial de Cultura e Lingua da Deputación de Pontevedra.

Corenta centros educativos participan no Certame Provincial de Regueifa impulsado pola Deputación

Consta de obradoiros didácticos nos centros educativos impartidos pola Asociación Oral e dunha exhibición final que terá lugar o Día Mundial da Narración Oral.

Os regueifeiros Luís O Caruncho e Bieito Lobariñas presentarán o 3º Certame de Coplas de Entroido de Gondomar o vindeiro 24/2.

O vindeiro sábado 26 de febreiro comeza o proxecto Escola de Regueifa Leonarda de Tallo (O Couto, Ponteceso) para cativ@s, organizado pola Fundación Eduardo Pondal. A encargada de impartir os obradoiros será a regueifeira Lupe Blanco e se realizará durante os sábados dos vindeiros meses.