Regueifeir@s no Abride a Fiestra (Padrón)

O vindeiro 5 de xuño celebrarase no café Catro a Catro de Vigo unha sesión didáctico práctica de regueifa, coa presenza dos regueifeiros Suso de Xornes e Josinho da Teixeira. O evento, promovido polo alumnado do CIOV de Vigo, contará cunha charla coloquio que comezará ás 18.00 horas, na que participará o máis senlleiro regueifeiro bergantiñán, Suso de Xornes. Ao rematar (19.30h), comezará o duelo en verso entre o regueifeiro afincado en Carballo e o redondelán Josinho da Teixeira, mestre do curso anual de regueifa que se imparte no CIOV de Vigo.

O sábado 18 de Maio, no Auditorio Xosé Fernández «O Xastre» de Vilatuxe terá lugar a 2° Conferencia do Ciclo "75 Aniversario" Banda de Música de Vilatuxe, no que o tema a tratar será "A musicalidade da poética galega e o seu vínculo ca escritura musical". Neste reletorio participará o filólogo e regueifeiro Kike Estévez, que fará un percorrido pola orixe e a actualidade do canto improvisado en Galiza.

E este sábado no MARCO, Museo de Arte Contemporánea de Vigo...
"Regueifas deste tempo"
Con Alba María e Mani Braga
Ás 12.30
Sala do vestíbulo principal
Para público en xeral

O Quilombo
15 de Abril ás 13:16 ·
[CICLO DE ORALIDADE]

Na quarta-feira 24 de abril começamos o ciclo de oralidade, que terá atividades cada duas semanas (sempre às 20:00):

-24 de abril: serám de regueifa.
-8 de maio: serám de estilo livre (rap).
-22 de maio: obradoiro de narraçom oral.
-5 de junho: fiada (micro aberto).

Na praza do Relleno, o sábado 27, a partir das 18.00 h, temos unha cita coa tradición oral da man de Alba María, Lupe Blanco, Suso de Xornes, Antonio de Xornes, Iñaki Iturriotz, Catarina Canyelles e Alumnado de Regueifa e Improvisación Oral en Verso do IES Maximino Romero de Lema. Galicia, País Vasco e Cataluña unidos pola Cultura.

O día 27 de abril os regueifeiros Mani Braga e Kike Estévez amenizarán a xornada no Arde o Pazo de Mos.

A inauguración da MostraFeira Gondomar 2019 de Artesanía contará como mestres de ceremonia cos Reguefeiros da Galiza, improvisadores en verso que amenizarán coa súa arte a presentación do evento. Os regueifeiros que participarán serán Bieito Lobariñas e Luís O Caruncho.

O vindeiro día 9 celebrarase o Certame Escolar do Morrazo. Será no Auditorio Municipal de Cangas e estará amenizado polos regueiferos Pinto de Herbón e Luís O Caruncho.

Luís O Caruncho + Kike Estévez actuarán no torreiro da Reconquista 2019