O Auditorio de Galicia, en Santiago de Compostela, acolleu, o luns 19 de maio, a gala de entrega de premios da oitava edición do certame Enreguéifate, que fomenta a improvisación oral en verso en lingua galega. O acto, celebrado conxuntamente coa Regueifesta e co programa Regueibertso da Deputación de A Coruña, tivo como mestres de cerimonias a Manolo Maseda, Séchu Sende, Lupe Blanco, O Rabelo, Nuria das Cruces e Xairo d'Herbón.

O pasado mércores 26 de marzo de 2025 celebrouse a XIV edición do Certame de Regueifas Escolar do Concello de Vigo no auditorio do Centro Veciñal e Cultural de Valladares.
Cerca de 500 alumnos de ensinanza secundaria de 11 centros de Vigo participaron neste evento no que de novo o IES Santo Tomé foi o que conseguiu un maior número de regueifeiros na final. O segundo clasificado foi o IES Castealo, deixando en terceiro lugar ao IES Alexandre Bóveda.

Dende o 20 de xaneiro ata o 20 de marzo de 2025 estará aberto o prazo para participar na VIII edición do certame de regueifas en vídeo Enreguéifate.

Para facelo, deberedes enviar o voso vídeo regueifando a través do formulario de inscrición que aparecerá aquí embaixo en canto abra o prazo. A participación é aberta e de balde, mais tede en conta que:

– Hai dúas categorías: unha xeral, para calquera persoa, e outra escolar, para alumnado dos centros educativos galegos non universitarios.

A improvisación oral en verso reunirá regueifeiras e regueifeiros entre 12 e 16 anos de Vilalba, Vila de Cruces, Courel, Porto do Son, Compostela, Monforte, Vigo e Carballo no "I Campus de Regueifa ReguiNov+s - Regueifesta", organizado polo IES Basanta Silva e o Proxecto Regueifesta e que se celebrará os días 17, 18 e 19 de xaneiro en Vilalba.