Continúan os cursos do Centro de Interpretación da Oralidade de Vigo do ano lectivo 2024/2025

Neste último trimestre do ano as propostas son variadas:

Continúa o curso de Improvisación oral en verso-regueifa con Branca Trigo do ano lectivo 2024-2025. Impartirase no Verbum (Avd. Samil, 17), como ata agora, e as clases, de 17:00 a 20:00, serán algúns mércores e venres dos meses de setembro, outubro e novembro (máis información do horario na axenda desta web).

Ademáis, volve Kike Estévez impartir un curso de regueifa, tamén no Verbum (información na axenda).

Os domingos 12 e 28 de setembro vaise celebrar en Carballo a 2⁰ LIGA DA REGUEIFA. Será nunha carpa no medio da feira e está aberta a todo o mundo que queira anotarse. Dende a escola de regueifa de Carballo esperan que a alguén lle preste vir regueifar, ou mercar patacas...

As regueifeiras galegas Lupe Blanco e Nuria Penas estiveron as pasadas semanas levando a súa improvisación ao festival de Villanueva de Tapia e ao Trovalia que se celebra en Cartaxena.
Alí volveron poñer en valor a nosa tradición e a nosa cultura xa que como elas mesmas recoñeceron todos "entenden o galego!". A velocidade da improvisación nas regueifaa, en comparación coas décimas, e a utilización de instrumentos tradicionais, como a pandeireta tamén chamaron a atención doutros participantes así como do público.