A XI edición da Feira Labrega de Meis contará coa regueifa de Lupe Blanco e Bieito Lobariñas. O evento será pola mañán.

O sábado 30 de xuño estarán Lupe Blanco e Suso de Xornes no festexo pola Virxe do Corpiño de Oca (Coristanco). A romaría con regueifa comezará ás 22.00h.

Xs regueifeirxs Alba María e Kike estévez estarán no Ebrefolk en Mora de Ebro (Tarragona) o 13 de xullo.

O luns 25, na Casa das Mulleres (Vigo), Esther das Luras e Silvinha guiarán un Obradoiro de Regueifa Feminina na Casa das Mulleres. Consiste en levar o discurso feminista ao ámbito da regueifa que tradicionalmente sempre tiveron unha carga machista.

https://amovida.gal/un-xuno-repleto-de-orgullo-lgtbi/

Regueifeiros no San Xoán (Poio)

Os regueifeiros Bieito Lobariñas e Luís O Caruncho amenizaron o comezo da Festa do San Xoán en Poio (Pontevedra)

Homenaxe ao Ribeira de Louzarela

O pasado venres 22/6/2018 tivo lugar na aldea de Louzarela (O Cebreiro) unha homenaxe ao brindeiro do Cebreiro, Antonio Río, pola súa traxectoria como improvisdador poética. Nela, inagurouse unha estatua de homenaxe e agradecemento aos seus 92 anos, 80 deles de brindeiro polas vodas da comarca, nos que ten actuado tamén na televisión (Luar, A Sentinela, Por amor á arte...), en Certames Internacionais (Valadares e A Coruña) ou mesmo en terras estranxeiras como Suíza, Madrid ou Barcelona.

Este sábado día 23 de xuño os regueifeiros de Bergantiños estarán en Cerqueda

Lupe Blanco e Luis O Caruncho estarán en Río Castro o 7 de xullo.

Mani Braga e Kike Estévez estarán nun evento poético en Combarro (Pontevedra). 21:00 / VERSO SOBRE ONDA. Regueifa con Quique e Mani

@s Regueifer@s na Rúa (Sil Vinha e Ki Ke) estarán nun programa de radio de apoio ao grupo de hip-hop, La Insurgencia, que están condenados polo estado español pola letras das súas cancións. O evento celebrarase no parque d´A Bouza (Coia, Vigo)