Axenda

Na aula final deste curso 2020-2021 o alumnado do CIOV terá a sorte de contar cun dos máis senlleiros regueifeiros bergantiñáns, Antonio de Xornes, que nos falará sobre os seus comezos e as súas experiencias no mundo da regueifa.

No acto, que se celebrará no Café De catro a catro (rúa Girona 16) ás 19.00h, alén do improvisador bergantiñán participarán os docentes regueifeiros do curso, Josinho da Teixeira e Kike Estévez, e mais o alumnado do CIOV deste ano.

Comezan as regueifas no ciclo "No verán un conto" do Concello de Vigo 2021. Neste caso actuarán Josinho da Teixeira e Kike Estévez, acompañados polo alumnado do CIOV.